Dewch i gwrdd â’n cyflenwyr
Fresh & Fruity
Mae Fresh & Fruity yn deulu gweithgar sy'n rhedeg cwmni tyfu a gwerthu ffrwythau, llysiau a salad ffres yng nghanol Aberdaugleddau. Maen nhw’n cyflenwi hybiau yn Ninbych-y-Pysgod ac Aberdaugleddau, lle maen nhw’n darparu ffrwythau, llysiau a salad blasus i gwsmeriaid yr hwb. Maen nhw’n angerddol am fwyd sy’n cael ei dyfu’n naturiol.
Fairfield Caterers
Gwr a graig sy’n rhedeg busnes Fairfield Caterers, gan ddarparu prydau maethlon sydd wedi’u coginio â chariad ar olwynion yn Sir Benfro, De Ceredigion a Sir Gâr. Mae eu holl brydau wedi'u teilwra i weddu i anghenion pob cwsmer am brofiad unigryw ym mhob pryd.
Dai’s Five a Day
Mae Dai’s Five a Day wedi bod yn cynnig cynnyrch ffres a lleol ers dros 5 mlynedd, ac wedi bod yn gweithio gyda WCFD yn ddiweddar i gyflenwi hwb Penfro, Tŷ’r Ffowndri. Mae eu staff cyfeillgar, gwybodus wastad yn hyfryd, a'u hangerdd am gynnyrch o ansawdd uchel sy’n llywio eu busnes yn Noc Penfro.
Little Croft Chocolate
Busnes bach yn Hendy-gwyn ar Daf yw Little Croft Chocolate. Maen nhw’n cynhyrchu bariau siocled blasus sydd wedi’u gwneud â llaw. Mae Little Croft Chocolate yn defnyddio pecynnau di-blastig 100% sy’n cael eu creu’n lleol. Daw Little Croft Chocolate mewn saith blas gwahanol.
Top Joe’s Pizza
Yn agos at galonnau trigolion lleol a thwristiaid fel ei gilydd, mae enw Top Joe’s yn gyfystyr â phrofiad bwyta Eidalaidd go iawn, gyda thai bwyta yn Ninbych-y-Pysgod ac Arberth. Mae Top Joe’s Pizza yn cyflenwi ein peiriannau gwerthu gyda chitiau pitsa i’w goginio gartref, gan ddefnyddio’r un cynhwysion ag y mae cogyddion Top Joe’s yn eu defnyddio i gynhyrchu eu pitsas gwobredig.
Caws Cenarth
Busnes teuluol yw Caws Cenarth sy’n cynhyrchu caws gwobredig yn Sir Gâr. Mae eu cawsiau bendigedig yn cael eu hystyried ymhlith y gorau yng Nghymru erbyn hyn. Mae Caws Cenarth yn defnyddio llaeth o fewn 30 milltir i’r llaethdy. Mae ganddyn nhw amrywiaeth o gawsiau, o gaws cheddar organig i’w caws eiconig Perl Las.
Capital Roasters
Mae Capital Roasters yn gwmni rhostio coffi yn Noc Penfro. Mae Capital Roasters yn rhostio amrywiaeth o ffa o rai o’r gwledydd sy’n cynhyrchu coffi gorau’r byd, gan gyflenwi coffi anhygoel i unigolion a busnesau.
Pembrokeshire Farm Eggs
Cwmni cynhyrchu wyau maes o Ddinbych-y-Pysgod yw Pembrokeshire Farm Eggs. Maen nhw’n fferm weithgar gyda dros 64,000 o ieir maes, gan gynhyrchu 60,000 o wyau y dydd. Maen nhw’n cyflenwi'n uniongyrchol i'r cwsmer ac i gwmnïau arlwyo i wneud bwyd gwych gyda'u wyau o ansawdd anhygoel.
ASTUDIAETHAU ACHOS
Fresh & Fruity
“Dwi’n credu ei fod yn wych y bydd pobl yn prynu cynnyrch lleol sy’n cael ei dyfu’n lleol. Rydyn ni’n pigo’r cynnyrch y noson cyn i ni eu gwerthu nhw, felly mae ein holl gynnyrch yn hynod o ffres. Dwi’n credu bod blas ffrwythau a llysiau sy’n wirioneddol ffres gymaint gwell na phrynu llysiau sy’n ddiwrnodau oed yn yr archfarchnadoedd mawr, ac rydyn ni’n hapus i gynnig hynny."
Michelle o Fresh & Fruity
Rydyn ni mor falch ein bod ni wedi arbed arian i bobl leol. Rydyn ni’n gweithio gyda WCFD i rymuso’r gymuned leol, i beidio â gwneud elw ar yr hyn rydyn ni’n ei werthu yn yr hwb. Rydyn ni’n ceisio annog pobl i ddatblygu eu sgiliau coginio pan fyddan nhw’n dod i'r siop, felly mae cyflenwi’r hybiau bwyd yn gyfle gwych i ni helpu gyda siwrnai bwyd ein cwsmeriaid a’u hannog i ddefnyddio cynnyrch gwahanol i’r arfer ochr yn ochr â’u bwyd arferol."
Dai’s Five a Day
